Wat ein fantatische nuujts kreeg ig toen ig ein langere tied teruk de vroag kreeg of ig prins wouw weare in het joar 2025.Natuurlijk koosj ig doa mer ein antwoord opgeave.
Moanden gingen veurbie, de nuuje prins van 2024 (Koen 1) woort oetgerope
en vanaf toen wis ig, nog ein vasteloavens seizoen en dan zeen veer aan de beurt.
Wat ging het joar snel, mer oug weer langzaam, wie dichter ste bie het moment keems wie meer ver aan het aaftellen woare.
In de tusje tied gesprekjes gehad op locaties wo nemes os koosj. Gesprekken euver het pak, Isa es prinses of neet, Eine adjudant of neet, wat het prins zeen inhult, de verwachtingen etc…
Vanaf toen oug besloaten dat we het nemes gingen vertellen en wat woar dat vervealend mer oug weer heel leuk.
Moanden zwiegen, doon esof dien naas bloojde, en veural mit ederein mitgissen.
Wie dichter op het moment van oetropen, wie meer het natuurlijk
ging leave, wie moeilijker het woar om smoejes te verzinnen.
Noe keem ver der toch achter dat dat nog toes wonen neet zo mekkelijk woar om alles te verzwiegen.
Want ja, wat geiste vertille este foto’s geis maken samen mit Tjeu en Isa? Isa die zich gans mot opmaken en Tjeu en ig die toevallig tiegelijk urgens motte zeen. Het leverde in edergeval genog binnepretjes op. Noe alles compleet woar, koosj het aaftellen dan eg beginnen, want verkoosjte neet wachten. Eindelijk woar het dan zo wiet. Koen, Sanne en Cas troaje aaf en toen noa de langste 3-keteer van os leave, mog ver noade 11 omsjrievingen eindelijk het podium op es nuuj prinsenpaar.
Wat woare de reacties onvergeatelijk mooi van ederein en wat hub ver eine super oavend beleaf en wat sting os nog veul te wachten.
Want ein paar oer later woort alweer bie os verseert en stingen er alweer 2 recepties op de planning.
Mer al kinste nog euveral
zo veul invloed op hubbe, is net dat geen wo ste gein invloed op hubs, get wat mig dat in de weag heat motte stoan. Want in de aanloup van het weekend woar Isa getroffen mit het Norovirus en helaas heat mig dit metein noa de oetreuping oug getroffen en keem ig er helaas neet snel genog boavenop om de zunjig euveral mit noa toe te goan. Gelukkig hub ig Isa en Tjeu waal nog op weag kinne sjikken terwijl ig de ganse zunjig plat hub geleage.
Ondanks dat hubbe ver eine fantastischeaanloup en oavend gehad, en kiek ver noe nog meer oet noa wat komme geit. Alaaf!
Prins Funs I en prinses Isa
