Miene druim is eindelik wirkelikheid gewaore. Ich hou mich opgegaeve om jeugprinste waere, maar sjtiekum dach ich dat ‘m het neet ging waere.. Ich zoot pas in de raod
en hou al ut ein en anger mitgekrege van Esmee toen zie jeugprinses waor van 2020
tot 2022. En det leek mich geweun super sjiek! Dus toen ich in de zomervakantie een
berichske kreeg van Richard det zie mich gaer es jeugprins wilde hubbe, sjprong ich
’n gaat in de loch!

Het waor lang wachte tot aan de oetreuping. Het waor den auch waal lestig soms om
niks te zègge. De luu probeerde soms waal es te vusje en den moos ich heel hel
mien bès doon om niks te verklappe. Maar sjtiekum vonj ich het auch waal leuk det
de luu niks wiste en ich waal!

In het naojaor ginge we de foto’s make en kreeg ich te weite wae de grote prins en
prinses ginge waere. Funs en Isa koos ich al ein bietje van Dré, dae same mit Esmee
het jeugprinsenpaar waor. Tjeu kènde ich van de hermenie. Dus toen zie teveursjien
kwame waor ich heel blie verras!

Toen waor het nog wachte tot aan 8 febrewari, de oetreuping. Dit vonj ich heel
sjpannend! Der waore heel vööl luu en vereiniginge dao. Bie het veursjtelle van de
jeugraod werd aan ze gevraog wanneer zie jeugprins of prinses waore gewaes. En
toen ich aan de beurt waor reep ich luid dat ich hunne nuuje jeugprins van 2025 ging
waere! Mit een luid applaus en het sjieke nummer “Non-stop vol d’rop” sjprong ich
same mit de jeugraod op het podium. Wat waor dit sjiek! Eindelik waor het woord
deroet!

De daag dernao werd der verseerd bie de prinsehoeze en houwe we 2 recepties, de
Reube in Obbeeg en de Waterratte van Uermend. Helaas loog Funs plat in bèd mit
de griep en mooste Isa, Tjeu en ich het same doon. Wat waor dit leuk! We hubbe os
good geamuseerd. Ich kiek oet nao alle kommende activiteite die os te wachte sjtaon
en ich gaon 100% geneete.


Jeugprins Joey I