Welkom op de site van de Lombokkers. Leuk dat geer op ozze site kiekt, mer nog leuker is ut om live bie os activiteiten aanwezig te zeen.

Sinds 9 januari moag ich mich de nuje vorst van de Lombokkers neume. Mien eerste weurdjes bie recepties van bevrundje vereinigingen zitte inmiddels d’r op en auch de presentatie van de oetreuping van de kersverse Prins Funs I mit zien prinses Isa en Jeugdprins Joey is inmiddels veurbie.

Uiteraard wil ich ozze Hooglustigheden van harte feliciteren mit hun installatie es nuje (jeugd)prins en prinses van de Lombokkers, u hoge woord is d’r oet en de ut grote geheim hooft neet langer op uch sjouwers gedrage te weare. Noe kump de tied van genieten en beleave, loat uch mit veure op de kleurrijke sjtörrem van vastelaovend. Veer es Lombokkers zeen d’r in eeder geval kloar veur om uch tot  in de late uurkes te begeleiden en in de watten te lègge.

Doa neave wil ich eemes bedanken, namelijk ozze oud-vorst Erik. Erik heat de letste 10 joar de functie es vorst mit grandeur vervuld. Hea hej euveral zien weurdje en kloar en maakte veur elke receptie ein sjone veurdracht. Soms get te lang, mer ut programma van de vastelaovend kent gein strak regime. Aan mich noe de taak om deze functie net zo sjoon te vervullen es Erik gedoan heat. Erik bedankt.

Noe geer toch op ozze site aan ut leaze zeet, kiek auch ens in de agenda woo al os activiteiten in stoan. Gear wille veer uch oet neudigen om samen mit ôs de vastelaovend te beleave. Uiteraard zeet geer van harte welkom op ôs recptie op 21 fibbrewarie woo geer os nuuj prinsen en prinses kent feliciteren mit hun oetreuping.

Doa neave, knutsel, plek, maak ein pekske of boew eine wage en geaf uch op veur de “grwoate” optoch van Berg en Nattenhoave. Want vastelaovend make veer neet allein, dat make veer same mit de luuj van Berg en Nattehoave.

Veer brenge in eeder geval ein woosj noa Wittem veur good waer, de rest van de woosjte zeen uiteraard weer veur de sjoonste deilnummers aan ozze optoch.

 

Alaaf!

 

Paul Alberti

Vorst CV de Lombokkers